वागमती प्रदेशमा सडक, पुल, झोलुङ्गे पुल लगायतका यातायात पूर्वाधारहरुको विकास तथा मर्मत सम्भारको लागि यातायात पूर्वाधार निर्देशनालय २०७५ मंसिर १२ गते वागमती प्रदेशको राजधानी हेटौंडामा स्थापना भएको हो । भौतिक पूर्वाधार विकास मन्त्रालयको मातहतमा रहेको यो निर्देशनालयले ८ वटा पूर्वाधार विकास कार्यालयहरु क्रमश: चितवन (कार्यक्षेत्र: मकवानपुर र चितवन), नुवाकोट (कार्यक्षेत्र: नुवाकोट, र रसुवा) ,ललितपुर (कार्यक्षेत्र: ललितपुर र काठमाण्डौं) ,काभ्रे (कार्यक्षेत्र: काभ्रेपलाञ्चोक र भत्तपुर), सिन्धुपाल्चोक (कार्यक्षेत्र: सिन्धुपाल्चोक र दोलखा) र रामेछाप कार्यक्षेत्र: रामेछाप , सिन्थाधुली (कार्यक्षेत्र :सिन्धुली) र धादिंग (कार्यक्षेत्र धादिंग) ले सम्पादन गर्ने कार्यको प्राविधिक नियन्त्रण, अनुगमन तथा सुपरिभिजन गर्दछ । यस निर्देशनालय अन्तर्गत २३ जना कर्मचारीको दरवन्दी रहेको छ । वागमती प्रदेशको सामाजिक तथा आर्थिक विकासको लागि सडक तथा पुलहरुको विकास गर्ने “ यस निर्देशनालयको दीर्घकालिन सोच रहेको छ । निर्देशनालयले देहायका वुदामा केन्द्रित रही यातायात पूर्वाधारको विकास गरिरहेको छ । • यस प्रदेशमा रहेका ११९ वटा स्थानीय तहको केन्द्र सम्म कम्तिमा Intermediate lane को कालोपत्रे सडक पुर्याउने । • अन्तर जिल्ला सदरमुकाम जोड्ने सडक र प्रदेश चक्रपथलाइ प्रादेशिक राजमार्गको रुपमा विकास गर्ने। • प्रदेशको महत्वपूर्ण आर्थिक धार्मिक तथा पर्यटकीय केन्द्रको यातायात पूर्वाधारको विकास गर्ने । • सडक दुर्घटना दरलाई न्यूनीकरण गर्ने । प्रदेशको आर्थिक उत्थानको लागि पिछडिएको क्षेत्रलाइ समेट्दै सम्पूर्ण भौगोप्लिक क्षेत्रलाइ समेट्दै दिगो रुपमा सडक तथा पुलको विकास गर्नु यस यातायात पूर्वाधार निर्देशनालयको प्रमुख उद्देश्य हो । यातायात पूर्वाधार निर्देशनालयले देहायका विषयलाई प्राथमिकता दिइ वागमती प्रदेशमा सडक सञ्जालको विकास गर्नेछ । • सडक मर्मत सम्भारलाइ विशेष प्राथमिकता दिइ सडक सञ्जाललाइ प्रभावकारी वनाइ राख्ने। • प्रदेश सदरमुकामदेखि जिल्ला सदरमुकाम र स्थानीय तहको केन्द्रसम्मको सडक सञ्जाल गुणस्तर युत्त वनाउने । • प्रादेशिक सडक सञ्जाललाइ सुधार गरी यात्राको लागि सुराक्षीत भरपर्दो कम खर्चिलो वनाउने । • प्रदेशको समष्टीगत सामाजिक तथा आर्थिक विकासको लागि एकिकृत यातायात प्रणालीको निर्माण गर्ने ।